ប្រយោគ យ ប្រាប់ឲ្យដឹង រូប និង សាធនៈ
១.យេ តុម្ហាកំ វចនំ ន ករោន្តិ តេសំ បព្វាជនីយកម្មំ ករោថ ។
ប្រែដោយសទ្ទត្ថន័យ
យេ ភិក្ខូ រីភិក្ខុទ. អម្បាលណា ន ករោន្តិ តែងមិនធ្វើ វចនំ នូវពាក្យសម្តី តុម្ហាកំ របស់លោកម្ចាស់ តុម្ហេ រីលោកម្ចាស់ ករោថ ចូរធ្វើ បព្វាជនីយកម្មំ នូវបព្វាជនីយកម្ម(ការបណ្តេញ) តេសំ ភិក្ខូនំ ដល់ភិក្ខុទ. អម្បាលនោះ ។
ប្រែដោយវោហារត្ថន័យ តាមគោលប្រែទី ៣ គឺ ធ្វើប្រយោគ យ ឲ្យជាវិសេសនរបស់ប្រយោគ ត កាត់ យេ និង តេសំ ចេញ ប៉ុន្តែធ្វើមុខ្យកិរិយារបស់ប្រយោគ យ ឲ្យជាឆដ្ឋីវិភត្តិជំនួស តេសំ ។
តុម្ហាកំ វចនំ អករោន្តានំ បព្វាជនីយកម្មំ ករោថ ។ លោកម្ចាស់ចូរធ្វើបព្វាជនីយកម្មដល់ពួកភិក្ខុដែលមិនធ្វើ(តាម)ពាក្យសម្តីរបស់លោកម្ចាស់ ។ យេ ប្រែថា ដែល ។ ប្រែថា ពួក ជំនួសពាក្យថា ទាំងឡាយ ។
២.យោ បឋមំ អរហត្តំ បាបុណាតិ តេនាភតំ បិណ្ឌបាតំ អវសេសា ភុញ្ជិស្សន្តិ ។
ប្រែដោយសទ្ទត្ថន័យ
យោ ភិក្ខុ រីភិក្ខុ ណា បាបុណាតិ រមែងសម្រេច អរហត្តំ នូវអរហត្ត បឋមំ មុន អវសេសា ភិក្ខូ រីភិក្ខុទ. អម្បាលនៅសល់ ភុញ្ជិស្សន្តិ នឹងឆាន់ បិណ្ឌបាតំ នូវបិណ្ឌបាត តេន ភិក្ខុនា អាភតំ ដែលត្រូវភិក្ខុនោះនាំមកហើយ ។
ប្រែដោយវោហារត្ថន័យ
ពួកភិក្ខុដែលនៅសល់នឹងឆាន់បិណ្ឌបាតដែលត្រូវភិក្ខុអ្នកសម្រេចអរហត្តមុននាំមក ។
ធ្វើប្រយោគ យ ឲ្យជាវិសេសនរបស់ប្រយោគ ត កាត់ យោ និង តេន ចេញ ប៉ុន្តែធ្វើមុខ្យកិរិយារបស់ប្រយោគ យ ឲ្យជាអនភិហិតកត្តា ជំនួស តេន ។
បឋមំ អរហត្តំ បាបុណន្តេន អាភតំ បិណ្ឌបាតំ អវសេសា ភុញ្ជិស្សន្តិ ។
No comments:
Post a Comment